Ndërkohë që mazhoranca ka nisur procedurat për shkarkimin e kreut të shtetit, Ilir Meta, ka ardhur një tjetër reagim i Këshilltarit për mediat në Presidencë.
Tedi Blushi përmes një postimi në rrjetet sociale thekson se është e domosdoshme të vazhdojë deri në fund procesi i administrimit të zgjedhjeve dhe transparencës së votës. “Kjo është çështje e interesit kombëtar sot dhe jo problemet e brendshme të partive”, thekson ai.
Postimi i Tedi Blushit
Është e domosdoshme të vazhdojë procesi i administrimit të zgjedhjeve deri në fund, në respekt të Kodit Zgjedhor.
Transparenca dhe respekti për votën e çdo qytetari, që mori pjesë në zgjedhjet e 25 prillit, është vendimtar për besimin te zgjedhjet dhe Demokracia.
Kjo është çështje e interesit kombëtar sot dhe jo problemet e brendshme të partive.
VAZHDO TË LEXOSH MË TEPËR PËR TEMËN
