Sipas një studimi, nëse tensioni i gjakut është mbi 13, te personat në moshën 50 vjecare, gjasat që ky person të preket nga skleroza rriten me 50 përqind. Tensioni i gjakut duhet të jetë i ulët. Kështu e kërkon shëndeti i trurit dhe zemrës.
Lajmi i mirë është se ulja e tensionit në nivelet e 12 me 8, që konsiderohet normale, ul rrezikun e humbjes së kujtesës dhe sklerozës me 15 përqind.
Gjetjet e studimit janë të rëndësishme sepse tregojnë se është në dorën e njeriut për të shmangur probleme serioze me trurin në të ardhmen.
Rëndësia e analizave mjekësore për tensionin e gjakut
Popullata e moshës së mesme dhe të moshuarit duhet të bëjnë kontrolle të rregullta mjekësore. Ata duhet edhe të konsultohen me një mjek që të ulin nivelet e tensionit të gjakut. Ulja e tij është thelbësore për të pakësuar gjasat e shfaqjes së sklerozës, Alzheimerit e sëmundjeve të tjera mendore.
Truri është i mbushur me enë të imëta gjaku që transferojnë oksigjenin dhe ushqyesit e nevojshme tek qelizat nervore. Tensioni i lartë i gjakut shkakton dëme të fortë në këto enë të imëta.
Efektet e dëmshme e të njëpasnjëshme shkaktojnë probleme të mëdha në funksionet e trurit.
Rrjedhimisht, sa më agresiv të jetë trajtimi kundër tensionit të lartë të gjakut, aq më i mbrojtur është truri nga dëmet e pakthyeshme.
Sipas ekspertëve, niveli i përshtatshëm i tensionit që e mbron edhe trurin është 12 me 8.
Mbajtja nën kontroll e tensionit është e rëndësishme.
Pas një moshe të caktuar, ulja e tensionit në nivele normale bëhet e vështirë. Vështirësitë janë të mëdha pavarësisht ushqyerjes së shëndetshme, aktivitetit fizik dhe barnave.
