Në disa shtete ka filluar imunuzimi me vaksinat anti-COVID edhe për adoleshentët e moshave 12-15 vjeç, ndërkohë që diçka e tillë po mendohet të bëhet edhe në Shqipëri.
Sipas shefes së Pediatrisë Infektve, Gjerogjina Kuli, vaksinimi i adolesheentëve është hedhur si hipotezë pasi ka dalë vaksina Pfizer për moshat 12-15 vjeç, por ende nuk është marrë asnjë vendim.
“Është hedhur si hipotezë pasi ka dalë Pfizer për moshat 12 deri në 15, Kina ka publikuar një studim për përdorimin e Sinovac mbi 3 vjeç. Ne po e shqyrtojmë s’kemi marr asnjë vendim dhe do shohim si do jenë praktikat dhe indikacionet e vaksinave të ndryshme në uljen e pragut të kësaj grupmoshe“, tha mjekja për Tv Klan.
Kuli u shpreh se vaksinimi i adoleshentëvenuk është i nevojshëm për momentin, pasi edhe numri i infektimeve të reja ditore është shumë i ulët.
