MENU
klinika

Çfarë thotë kryeministri serb?

A kishte fyerje gjatë takimit Kurti-Vuçiç?

17.06.2021 - 10:35

Presidenti i Serbisë, Aleksandar Vuçiç, ka deklaruar se pjesa më e madhe e takimit me delegacionin e Kosovës një ditë më parë u zhvillua në tone të ashpra, madje ai pranoi se kishte fjalor brutal.

Vuçiç gjithashtu thotë se vendimi i tij taktik ishte që Ministri i Punëve të Jashtme, Nikola Selakoviq, të ishte shefi zyrtar i delegacionit dhe se kjo nuk do të thotë që Kosova është një çështje e jashtme për Serbinë, raporton N1.

Situata ishte tensionuar kur Kurti kërkoi që të largohet Velko Odaloviç, kryetar i Komisionit për Personat e Zhdukur në qeverinë e Serbisë.

“Pastaj reagova shumë ashpër, mbase nuk duhej të kisha reaguar ashtu. Ndoshta unë e kam fyer zotëri Kurtin. Por unë u përgjigja në një mënyrë më brutale sesa fjalët e tij. Dhe nuk mund të them se jam penduar”, tha Vuçiç.

Se takimi ishte jashtë të gjitha protokolleve diplomatike u konfirmua nga këndvështrimi i tij nga zëvendëskryeministri i Kosovës, Besnik Bislimi.

“Kishte fyerje dhe provokime nga Presidenti i Serbisë, Vuçiç. Nga pala serbe, vetëm Vuçiç, pjesëmarrësi i dytë, ishte aktiv, gjë që ishte një befasi për ne sepse protokolli thoshte se Petkoviq do të ishte kryenegociatori, dhe në momentin e fundit ai u zëvendësua nga Ministri i Punëve të Jashtme. Kur Vuçiç humbi (kontrollin), ai filloi të flasë serbisht dhe të fyejë. Ne e kemi paralajmëruar nikoqirin disa herë se gjuha zyrtare është anglishtja. Ne përmendëm se përpjekjet e tij ishin një provokim, por pas gjysmës së bisedës kur pa që ato ishin të padobishme, ai ndryshoi qasjen e tij”, thotë Bislimi.

Kur u pyet nga N1 pse Ministri i Punëve të Jashtme, Nikola Selakoviç ishte shefi zyrtar i delegacionit në negociatat me Kosovën, dhe jo shefi i ashtuquajturës zyre për Kosovë, Petar Petkoviç, nëse është çështje e brendshme, Vuçiç tha se ishte vendim taktik.

“Presidenti është më i lartë se ministri, kështu që dikush mund të thotë që ne e njohëm Kosovën, por, siç e dini, nuk e bëmë. Petari ishte në zyrën tjetër dhe ai po dëgjonte ato që jehonte nëpër mure. Dhe vendosa për këtë, pasi që unë jam më me përvojë në botë për ato negociata”, shton Vuçiç.

Deputetët gjithashtu do të zbulojnë se çfarë rezonoi nëpër muret e Brukselit në seancën parlamentare të 22 qershorit, në të cilën Vuçiç do t’i drejtohet Kuvendit të Serbisë.

VAZHDO TË LEXOSH MË TEPËR PËR TEMËN


“Më pyeti kur do ta njohim Kosovën, unë i thashë…”

Vuçiç tregon detaje nga takimi me Kurtin: Ka pasur provokime!


"Përbën kërcënim për politikën e jashtme të SHBA"

Biden zgjat urdhrin për gjendje të jashtëzakonshme në Ballkan

Ambasadori Rohde kundërshton idenë e Hill

Gjermania dhe SHBA “përplasen” për Kosovën

Një epokë e re e pret dialogun Kosovë-Serbi

Figurat e reja që do të ndërmjetësojnë mes Kosovës dhe Serbisë

Masa kufizuese edhe Republikën Islamike të Iranit

Kosova vendos sanksione shtesë Rusisë