Prej më shumë se një muaj shifrat e pandemisë kanë pësuar ulje të ndjeshme. Ministrja e Shëndetësisë, Ogerta Manastirliu njofton se në Spitalin Infektiv po marrin shërbim mjekësor vetëm 3 pacientë.
Duke qenë se jemi në fillim të sezonit turistik veror, ministrja shkruan se këto janë shifra premtuese për të gjithë pushuesit që zgjedhin të kalojnë verën në Shqipëri.
“Covid19/ Të dhënat nga Spitali Infektiv, ku aktualisht ka vetëm 3 pacientë të shtruar, rastet ditore të ulëta, pavarësisht numrit të lartë të testimeve dhe ulja e vazhdueshme e rasteve aktive, janë të dhëna premtuese për një sezon turistik përtej pandemisë”, shkruan ministrja.
Kërkesa
Pavarësisht bilancit të koronavirusit, Unioni Turistik shqiptar i është drejtuar me një letër Ministres së Shëndetësisë, Ogerta Manastirliut, Ministrit të Mjedisit Blendi Klosi dhe drejtoreshës së Komitetit Teknik të Ekspertëve për të ndryshuar masat anti-COVID.
Ata kërkojnë ndryshimin e orës policore si dhe lejimin e muzikës në lokale deri në mesnatë, ku aktualisht lejohet deri në orën 22:00. Kujtojmë se ditën e djeshme u shënuan 2 raste të reja me COVID dhe asnjë humbje jete.
VAZHDO TË LEXOSH MË TEPËR PËR TEMËN
‘Task Forca’ pro shëndetit në terren, Manastirliu ngre alarmin
“A do e zgjedhësh vaksinën?”, Manastirliu tregon kur do vaksinohet
