A pretendon partneri që gërhisni kur flini ?
Nëse është kështu, nuk duhet ta injoroni gjithmmonë. Kjo mund të thotë që ju keni apnea obstruktive të gjumit (OSA).
Apnea e gjumit e patrajtuar – e cila shkakton ndërprerje të përsëritura të frymëmarrjes gjatë gjumit – mund të çojë në probleme serioze shëndetësore, kështu që Akademia e Mjekësisë së Gjumit (AASM) dëshiron që ju të merrni parasysh: A është më shumë se një gërhitje?
“Ndërsa jo të gjithë që gërhijnë kanë apne gjumi, gërhitja është një shenjë paralajmëruese që duhet të merret seriozisht,” tha Presidenti i AASM, Dr. Kannan Ramar.
“Nëse partneri juaj gërhet, ose nëse ju është thënë që gërhijni, atëherë është e rëndësishme të flisni me një profesionist mjekësor rreth shqyrtimit ose testimit të apneas së gjumit.”
Trajtimi i apneas obstruktive të gjumit mund të përmirësojë shëndetin e përgjithshëm dhe cilësinë e jetës, shtoi ai.
Gati 70% e njerëzve që flenë me një partner thonë se bashkëshorti i tyre gërhit, sipas një sondazhi të 2021 AASM. I njëjti sondazh zbuloi se 26% e njerëzve nuk janë të njohur me OSA, dhe 48% nuk i dinë simptomat e saj.
*Këto janë pesë shenjat paralajmëruese për të cilat duhet të keni kujdes: gërhitja, mbytja ose gulçimi gjatë gjumit; lodhje ose përgjumje gjatë ditës; mbipesha; dhe presionin e lartë të gjakut.
Indikacione të tjera të apnesë përfshijnë: gjumë jo të qetë, pagjumësi, dhimbje koke në mëngjes, zgjim gjatë natës për të shkuar në banjë, vështirësi në përqendrim, humbje të kujtesës, nervozizëm ose vështirësi për të qëndruar zgjuar gjatë shikimit të TV ose drejtimit të makinës.
“Shtyrja e trajtimit për apnean e gjumit mund të çojë në probleme më serioze shëndetësore,” tha Ramar. “Për fat të mirë, shumë nga efektet dëmtuese të apnesë së gjumit mund të ndalen, dhe madje të kurohen, përmes diagnozës dhe trajtimit nga një ekip i specializuar për problemet e gjumit.
Trajtimi tipik për apnea e gjumit është terapia e vazhdueshme e presionit të rrugëve të frymëmarrjes (CPAP). CPAP i mban të hapura rrugët e frymëmarrjes duke siguruar një rrjedhë ajri të qëndrueshme përmes një maske që vishet gjatë gjumit.
Përdorimi i CPAP mund të përmirësojë cilësinë e gjumit, të rrisë gatishmërinë gjatë ditës, përqendrimin dhe gjendjen shpirtërore dhe madje të përmirësojë shëndetin e trurit dhe zemrës.
Trajtime të tjera përfshijnë terapi pozicionale, terapi të pajisjeve orale dhe kirurgji.
