Agjencia austriake e lajmeve APA pretendon se sekretariati i Përgjithshëm i Këshillit të Bashkimit Europian po e mban “në çelës” një dokument “non-paper” në të cilin propozohen ndryshimet e kufijve në Ballkanin Perëndimor.
Sipas raportimeve të mëhershme, kryeministri slloven Janez Jansa, vendi i të cilit do të mbajë presidencën e ardhshme të BE-së, propozoi, një ndryshim të ri të kufijve në Ballkan.
“Pas një kontrolli të hollësishëm, duhet t’ju informoj se nuk mund t’ju japim qasje në atë dokument,” ishte përgjigjja e Sekretariatit të Përgjithshëm të Këshillit të BE-së në kërkesën e APA, shkruan Tanjug.
U shpjegua se publikimi i dokumentit të vetëm që ka ky institucion i BE do të rrezikonte marrëdhëniet ndërkombëtare.
Sipas mediave sllovene, ky dokument i nënshkruar me propozime për kufij të rinj në ish-Jugosllavi, Jansa, duke anashkaluar rrugën zyrtare, iu dorëzua presidentit të Këshillit të BE, Charles Michel.
Sidoqoftë, kjo nuk u konfirmua kurrë dhe Jansa mohoi që qeveria sllovene të kishte lidhje me atë dokument. Përndryshe, shton APA, dokumenti thotë se, nëse propozimet arrijnë në publik, dokumenti duhet të refuzohet. Sllovenia do të marrë presidencën e BE në 1 korrik dhe ka njoftuar se dëshiron t’i kushtojë vëmendje të veçantë afrimit të Ballkanit Perëndimor me Bashkimin.
VAZHDO TË LEXOSH MË TEPËR PËR TEMËN
“As Serbi e madhe e as Shqipëri e madhe, por një tragjedi e madhe!”
“Kërcënim i panevojshëm për stabilitetin”
“Ka vetëm një Shqipëri, Shqipëria siç është në histori”
