Shumë vajza dhe gra kanë dhimbje barku, dhimbje mesi, lodhje ose shqetësim gjatë periudhave menstruale. Por disa kanë dhimbje aq keq sa mungojnë në punë ose shkollë çdo muaj. Të tjerët përjetojnë gjakderdhje kaq të rëndë sa i lodh jashtë mase.
Këto janë gjëra që mund të sinjalizojnë një çështje më të madhe. Por për disa gra, është e sikletshme të flasin për çështje menstruale..
Ju nuk mund të dini për mundësitë tuaja të trajtimit nëse nuk flisni me mjekun.
Ciklet menstruale të shumicës së grave variojnë nga 21 deri në 35 ditë, ose deri në 45 ditë për adoleshentët. Gjakderdhja zakonisht zgjat nga tre deri në shtatë ditë. Është e rëndësishme që gratë të njohin modelin e tyre. Ajo që është normale për një grua mund të mos jetë për një tjetër.
Parregullsitë më të zakonshme të menstruacioneve janë mosardhja fare e menstruacioneve ose mosardhja rregullisht e tyre, zgjatja për shumë ditë ose ngërçet shumë të dhimbshme.
Këto çështje mund të shkaktohen nga shumë gjëra të ndryshme, duke përfshirë çekuilibër hormonal, sëmundje ose gjendje të caktuara, madje edhe disa ilaçe.
Dy nga çrregullimet më të zakonshme që shkaktojnë probleme të periudhuave menstruale janë miomat (fibroidet) e mitrës dhe endometrioza.
*Fibroidet janë tumore, ose rritje, të bëra nga qeliza muskulore dhe lloje të tjera të qelizave që rriten brenda ose jashtë murit të mitrës.
Studimet vlerësojnë se më shumë se 70% e grave kanë të paktën një miomë gjatë jetës së tyre. Por shumica e grave që i kanë ato nuk kanë simptoma.
*Endometrioza shkaktohet nga indet që gjenden normalisht në mitër duke u rritur jashtë saj në organet e tjera. Shumë gra me endometriozë kurrë nuk kanë ndonjë simptomë. Por për disa kjo gjendje mund ti ndryshojnë jetën.
Endometrioza ndoshta përbën të paktën një të tretën e infertilitetit tek grate.
Fibroidet, endometrioza dhe çështje të tjera menstruale mund të shkaktojnë një sërë simptomash. Mjeku mund t’ju ndihmojë të kuptoni se çfarë i shkakton simptomat.
Gjakderdhja shumë e rëndë gjatë periudhës menstruake të një gruaje është simptoma më e zakonshme e miomave. Dhimbja e fortë që përkeqësohet gjatë kohës së periudhës së një gruaje është simptoma më e zakonshme e endometriozës.
Si miomat ashtu edhe endometrioza mund të shfaqen në familje. Për shkak të kësaj, gratë mund të mos e dinë se dhimbja e fortë ose gjakderdhja e rëndë nuk janë normale.
Por ka trajtime të disponueshme që mund të përmirësojnë shëndetin dhe cilësinë e jetës tuaj.
Mund të jetë e vështirë për mjekët të dallojnë problemet menstruale. Testet e gjakut mund të ndihmojnë në zbulimin e ndryshimeve hormonale. Një test i imazhit i quajtur ultratinguj është shumë i dobishëm në zbulimin e miomave.
Por diagnostikimi i endometriozës “është veçanërisht i vështirë”. Është e vështirë të shihet në testet e imazhit. Tani nuk ekzistojnë teste gjaku që mund ta zbulojnë atë. E vetmja mënyrë për të ditur që një grua e ka atë me siguri, është nga një operacion në të cilin një mjek shikon përmes një prerjeje të vogël të bërë në bark.
Kjo mund të çojë në një vonesë të gjatë në diagnose. Ndonjëherë, nëse dyshohet për endometriozë, mjekët do të përshkruajnë ilaçe më parë për të parë nëse ato ofrojnë ndonjë lehtësim.
Trajtimet aktuale
Shumë ilaçe që përdoren për miomat, endometriozën dhe çrregullime të tjera që ndikojnë në punën e ciklit menstrual duke ndryshuar disa hormone. Tabletat e kontrollit të lindjes dhe ilaçet e tjera mund të bllokojnë këto hormone.
Trajtime të tilla mund të funksionojnë mirë për shumë gra. Por ato gjithashtu mund të parandalojnë që një grua të mbetet shtatzënë. Kjo mund të kufizojë disa gra që t’i përdorin ato.
Studiuesit kanë zhvilluar qasje për të trajtuar miomat që nuk përfshijnë operacionin. Këto shpesh funksionojnë mirë. Por ndonjëherë, fibroidet mund të kthehen.
Disa gra me endometriozë marrin lehtësim të dhimbjes nga operacioni që heq indet që janë ngjitur në organet e tjera.
Për gratë që nuk marrin ndihmë nga ilaçet ose procedurat më pak invazive, një histerektomi mund të jetë një mundësi. Histerektomia është operacioni për të hequr mitrën dhe nganjëherë vezoret. Gratë që i nënshtrohen këtij operacioni nuk mund të mbeten më shtatzënë.
Histerektomia më parë është përdorur shumë më gjerësisht se tani. Por tani kemi alternativa për histerektominë. Kështu që mjekët priren ta përdorin atë vetëm kur opsionet e tjera nuk kanë funksionuar . Sidoqoftë, edhe kjo procedurë nuk kuron dhimbjen kronike të legenit tek të gjitha gratë.
