Kreu i Partisë Demokratike, në fjalën e tij në Kuvendin Kombëtar, ka theksuar edhe një herë faktin se në shtator opozita do të rikthehet në parlament dhe prej andej do të zhvillojë betejat e saj.
Më tej kryedemokrati ka deklaruar se beteja e tyre do të vazhdojë për të gjithë ata shqiptarë që donin ndryshimin në 25 prill, ndërsa sot e duan akoma më shumë.
Basha: Ne nuk do të rreshtim përpjekjet tona brenda dhe jashtë vendit, derisa ndryshimi të vijë për shumicën e shqiptarëve që e donin këtë ndryshim në 25 prill, dhe e duan edhe më shumë sot, kur oferta e vetme që Rama ka, është më shumë krim, më shumë korrupsion dhe më shumë dështime.
Ne angazhohemi fort për ta kthyer shtetin shqiptar në shtet të shqiptarëve. Për ta kthyer në shtet europian. Shtet i cili mbron lirinë individuale. Garanton paprekshmërinë e jetës. Mbron pronën private dhe publike. Mbron paratë dhe ekonominë e njerëzve. Mbron dinjitetin dhe personalitetin e njeriut.
Ndaj ne do të ndërmarrim, të gjithë bashkë, të gjitha vendimet e nevojshme për ta çuar deri në fund luftën tonë kundër këtij regjimi, përmes përsosjes së mëtejshme të qeverisjes së shtëpisë tonë të përbashkët. Një shtëpi ku secili gjen vendin e vet.
VAZHDO TË LEXOSH MË TEPËR PËR TEMËN
Basha propozon Platformën Qytetare për Demokracinë
