MENU
klinika

"Kurti është më shumë gjerman sesa amerikan"

Daçiç për dialogun: Sot Prishtina nuk dëgjon askënd

08.07.2021 - 13:11

Që të ketë progres në dialog, kryetari i Kuvendit të Serbisë, Ivica Daçiç tha se është e nevojshme të bëhet presion ndaj palës së Kosovës.

Daçiç deklaroi në TV K1 se “sot Prishtina nuk e dëgjon askënd”. “As Brukselin, as SHBA-në. Politikanët shqiptarë në Prishtinë janë të ndarë. Kështu që disa janë amerikanë, të tjerë evropianë dhe i treti gjerman. Albin Kurti thuhet të jetë më shumë gjerman sesa amerikan”, tha Daçiç.

Sipas tij, grupet e punës nga të dy palët që merren me çështje teknike duhet të funksionojnë, në mënyrë që të arrihet ndonjë përparim.

“Ne do të durojmë gjithçka stoikisht, do të jemi të durueshëm dhe kurrë nuk do të largohemi nga tryeza ku po zhvillohen negociatat. Serbia do të jetë konstruktive”, u shpreh Daçiç.