Gjykata e Posaçme Kundër Korrupsionit dhe Krimit të Organizuar ka caktuar datën për shqyrtimin e çështjes ndaj Fatmir Mediut. Mësohet se seanca për shqyrtimin e dosjes është vendosur më 27 korrik me gjyqtar Erion Çelën.
Gjykata e Lartë shpalli moskompetencë për rihapjen e çështjes ndaj ish ministrit te mbrojtjes Fatmir Mediu. Gjykata e Lartë vendosi që t’ia rikthejë aktet e kësaj çështje Gjykatës së Shkallës së Parë Kundër Krimit të Organizuar dhe Korrupsionit.
Ndërkohë që një muaj e gjysmë më parë Prokuroria e Posaçme Kundër Korrupsionit dhe Krimit të Organizuar, SPAK i kërkoi gjykatës së lartë të nisë procesin e gjykimit për ish-ministrin e Mbrojtjes, Mediu në lidhje me shpërthimin e municioneve në fabrikën e demontimit në Gërdec, kërkesë e cila u rrëzua nga GJL. Kujtojmë se në 2009-tën u mbyllën hetimet për mediun per shkak të imunitetit si deputet.
VAZHDO TË LEXOSH MË TEPËR PËR TEMËN
“Mea culpa”? Mediu akuza edhe PD: Ja gabimet tona!
Aleatët e PD-së kërkojnë marrëveshje: Të ulen palët
