E paralajmëroi menjëherë pas eliminimit të Gjermanisë dhe e bëri fakt të kryer sot. Toni Kroos është tërhequr zyrtarisht nga kombëtarja e Gjermanisë. Mesfushori i Realit të Madridit ka njoftuar vetë me anë të një postimi në profilin e tij në rrjetin social “Instagram” këtë vendim.
Kroos ka luajtur për kombëtaren gjermane në 106 ndeshje nga ku ka realizuar dhe 17 gola. Një lajm i trishtë ky për pancerat pasi humbasin një nga mesfushorët më të mirë në historinë e kombëtares gjermane
“Kam luajtur për Gjermaninë 106 herë. Nuk do të ketë një herë tjetër. Unë këtë vendim e kisha marrë për t’u tërhequr pas këtij turneu disa kohë më parë. Ishte e qartë për mua për një kohë të gjatë se nuk do të isha në Kupën e Botës 2022 në Katar” – shkruan ndër të tjera Kroos.
View this post on Instagram
VAZHDO TË LEXOSH MË TEPËR PËR TEMËN
