09.07.2021 - 10:44
Ditët e nxehta dhe temperaturat e larta në Kosovë, por jo vetëm kanë bërë që shumë shqiptarë nga Kosova të marrin rrugën drejt bregdetit shqiptar.
Numri i madh i tyre vërehet edhe në pikën kufitare në Vërmicë, edhe në këto orë të hershme të mëngjesit.
Sipas Qendrës Kombëtare për Menaxhim Kufitar, kolona e veturave në dalje të pikës kufitare në Vërmicë është 130-150 metra, dhe pritjet janë 10 deri në 15 minuta.
Situatë më e qetë paraqitet në pikat tjera kufitare.
