Një strategji e re e Real Madrid në merkato, të paktën gjatë kësaj vere. Klubi ka nxjerrë të gjithë skuadrën në shitje. Kriza ekonomike ka bërë që Florentino Perez dhe të besuarit e tij të bëjnë këtë lëvizje të papritur.
Klubi “galaktik” është i hapur për të dëgjuar oferta për të gjithë futbollistët që kanë nën kontratë. Numri një i skuadrës e ka pranuar disa muaj më parë se është koha për ndryshime të mëdha dhe për këtë arsye nuk kursen asnjë nga futbollistët.
Të gjithë janë në merkato dhe skuadrat e interesuara mund të bëjnë oferta për ta. Madrilenët janë duke u konfirmuar një klub që shesin dhe diçka e tillë u tregua nga largimi i Sergio Ramos dhe Varane. Ata kanë qenë për 10 vite shtylla kryesore e ekipit, por nga ky sezon nuk do të jenë më.
Objektivi i madh i Real Madrid është Kylian Mbappe dhe për ta marrë në kryeqytetin spanjoll yllin francez, duhen bërë sakrifica të mëdha. Të gjitha lëvizjet që do të bëhen janë të gjitha për transferimin e shekullit.
Mbetet për t’u parë se çfarë do të bëjnë drejtuesit e PSG-së me lojtarin francez. David Alaba është lojtari i vetëm që u transferua këtë verë dhe erdhi falas nga Bayern Munchen.
Për momentin nuk duket se do të vijnë lojtarë të tjerë në kampin madrilen, por nuk përjashtohet mundësia që të largohen shumë të tjerë. Sigurisht që ka një grup futbollistësh që janë më të rrezikuarit dhe që do të largohen më lehtësisht sesa të tjerët.
Befasia është me Odegard, mesfushori i cili u rikthye për të luajtur dhe për të qëndruar nën urdhrat e trajnerit Ancelotti. Gjithashtu, po kërkohen skuadra edhe për lojtarë të tjerë si Mariano Diaz, Vahejo, Kubo dhe Dany Ceballos.
VAZHDO TË LEXOSH MË TEPËR PËR TEMËN
Ulja e pagave te Barça, ka “tradhti” mes lojtarëve
Cristiano Ronaldo, e ardhmja nuk varet prej tij
