Kryeministri Edi Rama në një intervistë për BBC ka treguar për situatën e pritjes së afganëve në Shqipëri. Kreu i qeverisë shqiptare thotë se deri tani nuk ka marrë asnjë mbështetje nga vendet e pasura, por thjesht ka një bashkëpunim me njerëz që kanë zemër të pasur.
Rama përmendi shprehjen popullore shqiptare “bukë, kripë e zemër” për të treguar se qytetarët afganë janë të mirëpritur në Shqipëri.
A PO MERRNI MBËSHTETJE NGA VENDET E PASURA?
Edi Rama: Nga vendet më të pasura? Jo. Ne për momentin po mbështetemi tek bashkëpunimi tek njerëzit që kanë zemër të pasur. Është një numër i konsiderueshëm nga SHBA dhe Britania që e kanë zemrën e pasur. Kemi një shprehje në Shqipëri, ‘bukë kripë e zemër’. Kurrë nuk do t’i mungojë buka, për pjesën tjetër do t’ia dalim. Ne mirëpritem gjysmë milioni nga Kosova. 500 mijë nga vëllezërit tonë erdhën në Shqipëri, në atë kohë ishim më të varfër dhe në kushte me të veshura. U pasuruam më shumë moralisht dhe në shpirt.
Edhe njëherë Rama kujtoi se shqiptarët, 30 vite më parë kanë qenë njësoj si afganët sot. Ai u shpreh se Shqipëria nuk është një vend i pasur, por ka shumë gjera për të ndarë me popullin afgan që ka mbërritur në vendin tonë.
“Ne kemi qenë në këtë pozitë jo shumë kohë më parë, 30 vjet më parë ishim ne afganët që përpiqeshim ti largoheshim ferrit për të mbërritur në brigjet italiane. Ka qenë e ngjashme sa i takon rrugëtimit, ankthit dhe të panjohurës. Jemi të pirur ta bëjmë këtë sepse kjo nderon historinë dhe traditën tonë. Ne po bëjmë diçka që unë besoj se ua detyrojmë fëmijëve tanë që të rriten me besimin se ka një kohë kur jep dhe një kohë kur ti merr.
Ne nuk jemi vendi i pasur, por jam besimplotë se kemi mjaftueshëm për të ndarë me këta njerëz. Nuk jemi të vetëm. Ka shumë organizata që po kujdesen për ta. Janë të gatshëm ti shoqërojnë në këtë pjesë të rrugëtimit”, u shpreh Rama per BBC.
VAZHDO TË LEXOSH MË TEPËR PËR TEMËN
Rama intervistë për BBC: Kur trokitëm në dyert e të tjerëve u mirëpritëm
Rama flet për afganët dhe ironizon evropianët: E njohin luftën veç përmes Netflix
Rama: I strehuam afganët në hotele sepse respektuam vuajtjen e tyre
