Kryeministri Edi Rama e ka konsideruar një detyrë strehimin e afganëve në Shqipëri në një intervistë për një media italiane. Duke folur për “Il Foglio” kreu i qeverisë thekson se dikur afganët ishim ne, shqiptarët.
“E kemi jetuar luftën dhe kujtesën e saj e kemi të freskët. Nëse Evropa është e dyzuar edhe për Afganistanin, është sepse s’e mbajnë mend historinë”, thotë Rama.
Mandej kryeministri thotë se bëhet fjalë për afro 2-3 mijë refugjatë afganë. I pyetur nëse Evropa dhe Italia duhet të marrin një leksion nga Tirana, Rama përgjigjet: “Nuk i jap leksione askujt. Aq më pak Italisë, ndaj së cilës jam shumë i lidhur. Unë mbaj mend Millosheviçin, mbaj mend luftën, refugjatët, vdekjen torturat. Dikur ne shqiptarët ishim për ju, çka janë sot afganët”.
VAZHDO TË LEXOSH MË TEPËR PËR TEMËN
Europa e ndarë për refugjatët afganë: Shqipëria i pret, Austria nuk i pranon
Shqipëria do të presë mbi 2 mijë afganë, mbërrin sot grupi i parë
DASH: I treguat botës së çfarë nënkupton besa
