MENU
klinika

Covid-19

Gjermania shpall Kosovën dhe RMV si zona me rrezik të lartë

21.08.2021 - 09:01

Duke filluar nga e diela, 22 gusht 2021,Kosova  dhe Maqedonia e Veriut konsiderohen si zona me rrezik veçanërisht të lartë për përhapjen e koronavirusit. Këtë e bëri të ditur instituti gjerman Robert Koch (RKI), të premten padite në faqen e internetit.

Veç këtyre dy vendeve,  listës së zonave me rrezik veçanërisht të lartë, iu shtuan edhe Brazili, Dominika, Greqia – rajonet e Kretës dhe Egjeut Jugor (duke filluar nga e marta, 24 gusht 2021, në mesnatë), si edhe Irlanda. rajonet kufitare dhe perëndimore.

RKI hoqi nga lista e zonave me rrezik veçanërisht të lartë Andorrën dhe  disa rajone të Spanjës.

Çfarë vlen tani për udhëtarët nga Kosova dhe Maqedonia e Veriut? 

Sipas ministrisë së punëve të jashtme të Gjermanisë, udhëtarët që duke filluar nga data 22 gusht kanë qenë në një zonë me rrezik të lartë në 10 ditët e mëparshme, duhet të regjistrohen në portalin www.einreiseanmeldung.de para se të nisen në Gjermani dhe ta kenë me vete vërtetimin e regjistrimit.

Nëse nuk janë  të vaksinuar ose të shëruar nga virusi korona, duhet të bëjnë një test negativ. Në Gjermani duhet të kalojnë 10 ditë në karantinë. Periudha e karantinës shkurtohet automatikisht në 5 ditë për fëmijët nën moshën 12 vjeçare dhe për të rriturit, të cilët pas pesë ditësh dëshmojnë  rezultatin negativ të testit të koronës.

Përjashtohen nga ky rregull personat, të cilët:

a. kanë qenë si tranzit në një zonë me rrezik të lartë ose zonë të varianteve të virusit,

b. janë tranzit nëpër Gjermani dhe largohen nga vendi sa më shpejt;/DW

Portali i njohur i Brukselit i zbulon “sekretin”

Jeta luksoze e Vuçiçit është e paimagjinueshme për serbët

Përfundon marrëveshja e lëvizjes së lirë

Rikthehen kontrollet në Morinë

Brukseli, jashtë loje nëse Trump fiton zgjedhjet

Dialogu Kosovë-Serbi ndryshon pas 5 nëntorit

Me kë po e “zëvendëson” presidenti serb homologun rus

Vuçiç “braktis” Lindjen, refuzon ofertën historike të Putinit