Është kryefjalë e futbollit botëror, të paktën për momentin nuk ka ditë që mos flitet për të në kopertinat më të mëdha të gazetave prestigjoze evropiane. Vera e Kylian Mbapé vijon të jetë e nxehtë.
Real Madrid ofroi 160 milionë euro për sulmuesin francez, por PSG refuzoi. Mbetet për t’u parë nëse spanjollët do ta rrisin ofertën për të fituar kampionin botëror 22-vjeçar (i lindur më 1998).
Në sezonin 2020-2021 ai shënoi 42 gola në 47 ndeshje për PSG, duke merituar titullin e golashënuesit më të mirë të Ligue 1 me 27 gola. Po cilat janë sekretet e tij?
FAMILJA – Sporti është vërtet një biznes familjar (ai është nga Kameruni dhe Algjeria). Babai i Kylian, Ëilfried, është përfaqësues ekzekutiv në ekipin e futbollit AS Bondy, ndërsa nëna e tij, Fayza, ka qenë një profesioniste e hendbollit.
Dhe kjo nuk është e gjitha. Vëllai i babait të tij, Pierre, është gjithashtu një menaxher sportiv i Sedan dhe vëllai i tij birësues është futbollisti Jirès Kembo Ekoko. Me pak fjalë, Mbappé nuk mund të ishte rritur ndryshe.
DIETA – Qysh fëmijë ai kishte një ëndërr: të ishte më i miri. Dhe kështu, Kylian filloi të ndiqte rregulla strikte që në hapat e parë në futboll. Gjithashtu, nga pikëpamja e ushqimit. Plani i tij i ushqimit do të ishte i pasur me proteina, vezë, pulë, biftekë dhe proteina. Por, për të plotësuar nevojat e trupit të tij për karbohidrate, ai do të merrte një sasi të madhe qulli pa sheqer.
SEKRETET – Midis sekreteve të tij ka është edhe talasoterapia, siç e ka thënë vetë në të kaluarën, pikërisht, para triumfit në Kupën e Botës në Rusi, më 2018:
“Unë u rrita falë punës individuale, pastaj bëra talasoterapi dy herë (e dobishme për të shfrytëzuar procesin osmotik të ujit të detit, i cili në kontakt me lëkurën promovon eliminimin e lëngjeve që ngecin në kullimin e indeve) për të arritur gjendjen optimale”. Një trajtim tjetër, të cilit i nënshtrohen francezët është krioterapia, trajtimi i ftohjes, i cili ofron shumë përfitime për sportistët.
KURIOZITETI – Ndoshta jo të gjithë e dinë që pseudonimi i tij është “Donatello”, për shkak të ngjashmërisë së supozuar me një nga breshkat e famshme Ninja. Po ashtu thirret edhe “Mbebé” ose “Bip-Bip” për shpejtësinë mbresëlënëse.
Që nga fillimi i tij, Mbappé është krahasuar me Thierry Henry në cilësi dhe karakteristika. Sidoqoftë, idhulli i fëmijërisë së francezit është një. Dhe emri i tij është… Cristiano Ronaldo.
DASHURIA – Në rrjetet sociale nuk ka asnjë gjurmë të kohëve të fundit për ndonjë të dashur. Mbappé është shumë i rezervuar, edhe nëse bota e thashethemeve, muajt e fundit, i ka atribuar atij disa flirtime. Ashtu si ajo me gazetaren sportive italiane, Marialuisa Jacobelli.
VAZHDO TË LEXOSH MË TEPËR PËR TEMËN
Real ofroi 160 mln, PSG do 200 mln euro për Mbappe
Lojtari kyç që zgjidh kalimin e Ronaldos te City
