Ministri i Mbrojtjes, Niko Peleshi është shprehur se është ulur numri i vatrave aktive në vend, ndërsa është shprehur se vatrat serioze të zjarreve mbeten në Kukës, Mirditë dhe Vlorë.
Në një komunikim online Peleshi shprehet se situata mbetet dinamike. Ndërsa ka bërë një bilanc të situatës, ministri i Mbrojtjes tha se në Karaburun ka ende dy vatra zjarresh dhe se kjo zonë mbetet pika më nxehtë, duke shtuar se situata është menaxhuar shumë mirë deri tani pavarësisht vështirësive po bëhet gjithçka si nga ajri si nga toka.
“Në Durrës kemi një vatër të menaxhueshme. Edhe në Fier vatra është drejt eliminimet. Në Karaburun nga tre vatra kemi dy. Mbi Dukat dhe pranë Parkut të Llogarasë vazhdon të ketë vatra. Nata ka qenë shumë e angazhuar. Banesat kanë qenë të rrezikuara, po fatmirësisht ndërhyrja ka qenë intensive.
Ka dy helikopterë që kanë ardhur nga Holanda. Helikopteri i tretë është ai Çek dhe është në punë në veri, pasi ka vatër problematike në Kukës. Duam të shmangim kapërcimin e zjarrit drejt Parkut të Llogarasë, ndaj jemi edhe këtu sepse e konsiderojmë pikën më të nxehtë”, tha Peleshi.
Peleshi gjithasht ka shprehur mirënjohje për SHBA, BE-në Hollandën dhe Çekinë pasi kanë mbështetur shërbimet zjarrfikëse shqiptare.
“Eshtë ulur numri i vatrave aktive por kemi ende vatra serioze në Kukës, Mirditë dhe Vlorë. Heroizëm dhe bashkimi i forcave ka shmangur rrezikun e prekjes se fshatit nga zjarri në Dukat. Sot, prej orëve të para të mëngjesit kemi rifilluar operacionet nga ajri dhe toka në Kukës (Thirrë) dhe Karaburun.
Na duhet akoma shumë punë dhe bashkëpunim. Mirëpresim mbështetjen e vyer të ofruar nga SHBA. Mirënjohje për BE, Hollandën dhe Çekinë”, bën me dije Peleshi.
VAZHDO TË LEXOSH MË TEPËR PËR TEMËN
Zjarret, Peleshi: Këto janë zonat ku FA po luftojnë ende nga toka e ajri për shuarjen e flakëve
Zjarri në Gjorm, Rama: Shtohen forcat e ndërhyrjes nga toka
Peleshi reagon për zjarret në vend: Në kontroll të gjitha situatat serioze!
