Borussia Dortmund kalon pa problem transfertën e Stambollit ndaj Besiktas. Gjermanët fituan 2-1 dhe marrin tri pikët e parë në grup. Një sukses i ardhur që në pjesën e parë, pavarësisht se në fund pati pak drithërima.
Bellingham shënoi në minutën e 20-të për miqtë. Në fundin e pjesës së parë do të vinte edhe goli i dytë nga i përhershmi Haaland, i shërbyer pikërisht nga autori i golit të parë.
Turqit u kujtuan vetëm në fundin e takimit të ushtronin presion. Montero realizoi në minutën e katërt shtesë, por nuk kishte më kohë dhe Dortmund largohet nga Stambolli me pikët e plota.
Surpriza e madhe erdhi në ndeshjen tjetër. Moldavët e Sheriff Tiraspol mposhtën 2-0 ukrainasit e Shakhtar Donetsk, një prej skuadrave që merr pjesë rregullisht në Champions. Vendasit shënuan nga një gol për secilën pjesë loje dhe treguan se nuk janë rastësisht në grupe.
VAZHDO TË LEXOSH MË TEPËR PËR TEMËN
Bayern i jep “leksion” sërish Barçës, rikthehet Juve
