Frrok Çupi: Oligarkët janë njerëzit më të talentuar që ka shoqëria!

Analisti Frrok Çupi mbrëmjen e djeshme ka thënë se oligarkjët janë njerëzit më të talentuar që ka shoqëria, pasi janë ata që e mbajnë shtetin.

Sipas tij, shtetin nuk e mbajnë ata që thonë “po vdes për bukë” dhe as ata që pijnë që në 6 të mëngjesit, ndaj për të oligarkët janë elita e shoqërisë.

“Oligarkët janë njerëzit më të talentuar që ka shoqëria. Këta e bëjnë shtetin, këta e mbajnë shtetin, nuk e mbajnë shtetin lypsarët. Nuk e mbajnë shtetin njerëzit që thonë “po vdes për bukë”. Nuk e mbajnë shtetin pijanecët që dalin në rrugë që në 6 të mengjesit dhe pinë raki në trotuar. Kjo është elitë për mua”, tha Çupi në Ora News.