Jennifer Lopez dhe Ben Affleck u panë duke mbërritur në Festivalin e Filmit në Venecia 2021 së bashku, duke shënuar herën e parë që ata marrin pjesë në një ngjarje me personazhe të njohur së bashku, që kur rindezën romancën e tyre.
Të enjten, më 9 shtator, Jennifer Lopez dhe Ben Affleck u fotografuan duke arritur me taksi uji në Festivalin e Filmit në Venecia të vitit 2021. Jennifer, e cila kishte veshur një fustan të bardhë me dantella dhe aktori, i cili kishte veshur një këmishë të zezë me mëngë të gjata dhe pantallona që përputheshin, u shfaqën duke u përqafuar së bashku në barkë dhe më pas duke u kapur për dore ndërsa ecnin në tokë.
Festivali i Filmit në Venecia shënoi ngjarjen e parë me personazhe të njohur në të cilën të dy kanë marrë pjesë që kur ata rindezën romancën e tyre të hershme të viteve ’00 këtë pranverë. Kjo nuk do të thotë që Jennifer dhe Ben kanë mbetur jashtë syve të publikut muajt e fundit, pasi të dy janë parë shumë herë në Los Angeles, përfshirë tre fëmijët e tij dhe binjakët e saj, dhe çifti ka udhëtuar së bashku gjithashtu.
Në korrik, Jennifer zyrtarizoi lidhjen e tyre në Instagram me një fotografi të nxehtë të saj dhe aktorit duke u puthur në një jaht gjatë një udhëtimi në jug të Francës, dhe të dy më vonë u shfaqën për të rikrijuar skena nga videoja e saj muzikore e vitit 2002 “Jenny From the Block”, ku luan Ben.
Lidhja e dyshes ka qenë në qendër të vëmendjes gjatë gjithë këtyre kohëve, dhe padiskutim fansat e çiftit janë shumë të lumtur për këtë ribashkim. Jennifer dhe Ben duket se do të vazhdojnë për shumë gjatë të ndajnë momente të tyre të përbashkëta, duke qenë se, duken më të dashuruar se kurrë.
