26.09.2021 - 17:23
Nedim Bajrami sërish protagonist në Serinë A me fanellën e Empolit. Mesfushori i Kombëtares shqiptare, ka gjetur rrugën e rrjetës në përballjen ndaj Bologna-s.
Ai realizuar nga pika e bardhë e penalltisë në minutën e 54-t, teksa arriti të ngrinte shifrat në 3-1. Ky është goli i dytë i realizuar nga shqiptari në këtë sezon në Serie A me fanellën e Empolit.
Bajrami është shndërruar në një lider absolut te skuadra e tij, teksa mban edhe numrin 10 mbi shpinë. Për fat, Empoli fitoi 4-2 dhe renditet në vendin e shtatë me 9 pikë. Bajrami u zëvendësua në 80’ nga talenti shqiptar Kristjan Asllani.
