Tërheqje të tjera pas Afganistanit? Biden: Do të përfundojë epoka e operacioneve të mëdha ushtarake

Presidenti i SHBA, Joe Biden ka lënë të hapur mundësinë e tërheqjes së trupave amerikane nga vende të tjera pas Afganistanit.

Biden thotë se vendimi për Afganistanin nuk mbetet vetëm për atë vend.

Sipas Presidentit amerikan, do të përfundojë epoka e operacioneve të mëdha ushtarake ku SHBA ndërhynte për të ribërë vende të tjera.

‘’Ky vendim për Afganistanin nuk ka të bëjë vetëm me Afganistanin. Bëhet fjalë për përfundimin e një epoke të operacioneve të mëdha ushtarake për të ribërë vendet e tjera.’’- tha Biden.

Ndërkohë në mënyrë të ngjashme SHBA ka pasur ose ka trupa ushtarake edhe në vende si Vietnami Jugor, Kosova, Bosnje-Hercegovina dhe Haiti ku tërheqja e trupave mund të rindezë konfliktet.