16.10.2021 - 12:48
Mbyllet Bypass i Vlorës. Pas hapjes provizore për shkak të sezonit turistik tashmë ky segment rrugor do të qëndrojë i mbyllur. Ende nuk ka një informacion për rihapjen e tij ndërsa gjithçka duket se vjen për shkak të punimeve që po kryhen.
Bypass i Vlorë gjate gjatë sezonit ishte një nga zgjedhjet për të evituar trafikun në qytet pavarësisht problematikave që kishte në gjatësinë e tij për shkak të mungesës së sinjalistikës apo edhe ndriçimit gjatë natës.
Në hyrje të Bypassit të Vlorës tashmë njoftohet për ndalimin e qarkullimit por nuk ka një informacion mbi datën e rihapjes. Ndërkohë për shkak të mbylljes se tij lëvizja e automjeteve të tonazhit të rëndë kryhet në aksin e vjetër rrugor në hyrje të qytetit të Vlorës./
