YouTube ka fshirë kanalet e R.Kelly nga platforma e saj, duke u distancuar nga këngëtari që është dënuar për trafikim seksual muajin e kaluar. Sidoqoftë, këngët dhe albumet e tij si dhe përmbajtja e krijuar nga përdoruesit që përfshin muzikën e tij do të vazhdojnë të jenë të disponueshme në shërbimin YouTube Music.
Youtube mori këtë vendim në përputhje me rregullat e kompanisë. Udhëzimet thonë se nëse pronarët e kanaleve akuzohen për krime shumë të rënda, platforma mund t’i mbyllë kanalet e tyre nëse deklarohen fajtorë. Kelly u shpall fajtor si orkestrues i një skeme për të rekrutuar gra dhe vajza të mitura për seks.
YouTube citoi faktin se ndjekja penale e këngëtarit të R&B bazohej në pretendimin se përdorte famën dhe fuqinë e tij në industrinë e muzikës për të abuzuar seksualisht gratë dhe vajzat e reja. Kelly nuk do të jetë më në gjendje të përdorë, zotërojë ose krijojë ndonjë kanal tjetër në YouTube.
