Numri i infektimeve nga COVID dhe i viktimave ka shënuar një rritje këtë të diel. Ministria e Shëndetësisë raporton se në 24 orët e fundit e kanë humbur betejën me COVID 5 qytetarë, kurse dje u shënuan 2 humbje jete.
“Me gjithë përpjekjet e mjekëve, në 24 orët e fundit ka 5 humbje jete me Sars-Cov2 pozitiv: tre qytetarë nga Tirana të moshave 39-85 vjeç, një qytetar nga Gramshi 40 vjeç, një qytetare nga Dibra 71 vjeçe”, thuhet në njoftimin e ministrisë.
Në 24 orët e fundit janë kryer 2659 testime, nga të cilat kanë rezultuar pozitivë me COVID19, 568 qytetarë. Siç vihet re Tirana ka një rritje të qytetarëve të infektuar me COVID (299), pasi rezulton se më shumë se gjysma e të prekurve në 24 orë janë në kryeqytet.
Rastet pozitive me COVID janë në këto bashki: 299 në Tiranë, 26 në Durrës, 22 në Vlorë, 20 në Berat, nga 19 qytetarë në Elbasan, Fier, 17 në Lushnje, 15 në Kamëz, 14 në Sarandë, 9 në Dimal, nga 7 qytetarë në Kuçovë, Himarë, Kurbin, Shkodër, nga 6 qytetarë në Lezhë, Kavajë, nga 5 qytetarë në Pogradec, Tepelenë, Këlcyrë, Gjirokastër, nga 4 qytetarë në Mirditë, Vorë, Mallakastër, Korçë, Devoll, nga 3 qytetarë në Gramsh, Skrapar, Divjakë, nga 2 qytetarë në Pukë, Patos, Delvinë, Memaliaj, nga 1 qytetar në Poliçan, Konispol, Klos, Bulqizë, Dibër, Krujë, Shijak, Tropojë, Has, Kukës, Malësi e Madhe.
Janë 8,059 pacientë aktivë me COVID19 në të gjithë vendin.
Aktualisht në spitalet COVID po marrin trajtim 184 pacientë, nga të cilët 14 janë në gjendje më të rënduar. Janë shëruar 398 qytetarë gjatë 24 orëve të fundit, duke e çuar numrin e të shëruarve në 178,111 që nga fillimi i epidemisë.
Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve.
“Çdo qytetar mbi 16 vjeç, mund të vaksinohet në qendrën shëndetësore ose në pikën më të afërt të vaksinimit të përqëndruar. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet. Vaksinimi është i hapur edhe për fëmijët +12 vjeç me probleme të sistemit imunitar, me rekomandim nga mjeku. Gjithashtu ka nisur vaksinimi me dozën e tretë, sipas rekomandimit të mjekut të familjes. Nëse dyshoni se jeni i prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar ose telefononi Urgjencën Kombëtare në numrin unik 127″, apelon ministria.
Statistika (7 Nëntor 2021)
Raste të reja ditore 568
Të shëruar në 24 orë 398
Të shtruar në spitale 184
Humbje jete në 24 orë 5
Testime ditore 2659
Testime totale 1,328,650
Raste pozitive 189,125
Raste të shëruara 178,111
Raste Aktive 8059
Humbje jete 2,955
Shpërndarja gjeografike e rasteve aktive sipas qarqeve:
Tiranë 4181
Fier 841
Shkodër 492
Durrës 481
Vlorë 451
Gjirokastër 366
Elbasan 348
Berat 290
Korçë 235
Lezhë 183
Kukës 111
Dibër 80
