Angela Merkel donte një bllokim të përgjithshëm të menjëhershëm, edhe për personat e vaksinuar, por propozimi i saj u refuzua nga partitë e koalicionit të ardhshëm qeverisës, sipas informacioneve të cituar nga gazeta Bild.
Sipas gazetës, gjatë takimit të jashtëzakonshëm që Merkel pati mbrëmë me kandidatin e Partisë Socialdemokrate (SPD) për kancelar Olaf Soltz, kryesia e të Gjelbërve Analena Berbock dhe Robert Hubbek dhe kreu i FDP (F) Lindner, kancelarja, bëri thirrje për kufizime të rrepta për modelin e dimrit të kaluar, edhe për ata të vaksinuar, nga 25 nëntori deri më 8 dhjetor, në një përpjekje për të frenuar valën e katërt të pandemisë.
Sipas Agjencisë Gjermane të Lajmeve (DPA) për të njëjtën temë, Merkel propozoi që të shtrëngohen masat, kryesisht për shkak të ngarkesës në sistemin shëndetësor.
Megjithatë, një vendim i tillë ligjërisht mund të merret vetëm deri më sot, pasi nesër skadon “gjendja e jashtëzakonshme” për vendin. Sipas zëdhënësit të qeverisë Stephen Seibert, kancelarja “shpjegoi seriozitetin ekstrem të situatës, një gjendje të jashtëzakonshme të paprecedentë”.
