“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: Çfarë e shkakton shtimin në peshë?
Mjeku: Dieta: Arsyeja kryesore e shtimit në peshë është cilësia dhe sasia e ushqimit të ngrënë.
Gjenet: Disa njerëz kanë gjenetikisht tendencë të shtojnë peshë. Gjithsesi, studimet tregojnë se nëpërmjet një dietë të shëndetshme, aktivitetit të rregullt fizik dhe evitimit të zakoneve të pashëndetshme mund të parandalohet rreziku ndaj obezitetit.
Mungesa e aktivitetit fizik: Marrja me aktivitet fizik sjell përfitime të panumërta, duke përfshirë edhe reduktimin e rrezikut ndaj sëmundjeve të zemrës, disa lloje të kancerit e sëmundjeve të tjera kronike. Aktiviteti fizik luan një rol kyc në mbajtjen nën kontroll të peshës.
Gjumi: Hulumtimet tregojnë se ekziston një lidhje mes peshës së personave dhe orëve të gjumit. Përgjithësisht, fëmijët dhe të rriturit që flenë më pak kanë tendencën të peshojnë më shumë. Mungesa e gjumit, gjithshtu, përcan balancën e hormoneve kyc që kontrollojnë urinë, duke i bërë ata që flenë pak më të uritur.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
