Koha duket se po mbaron për opozitën në Shkup, e cila nuk arriti të sigurojë një shumicë prej 61 deputetësh për të diskutuar një mocion mosbesimi dhe për të çuar në rënien e qeverisë së Zoran Zaev.
Prej mëngjesit në Kuvendin e Shkupit vazhdon shtyrja e diskutimit për mocionin e mosbesimit për shkak të pamundësisë së opozitës për të filluar procesin, në mungesë të kuorumit. Vendimi i anëtarit të partisë së vogël shqiptare “BESA” Kastriot Rexhep , për të mos ndjekur vijën partiake për rënien e qeverisë Zaev, krijoi atmosferë të tensionuar.
Siç ka bërë të ditur Rexhepi në rrjetet sociale, këtë vendim e ka marrë për të vazhduar pa problem integrimet euroatlantike të vendit. Fakti që deputeti heshti gjatë gjithë ditës, bëri që opozitarë të flasin edhe për rrëmbimin e tij. Mirëpo, me një qëndrim të fundit Rexhepi e përsëriti vendimin e tij në orët e vona të pasdites, duke çuar në dështimin e planit të opozitës për rrëzimin e qeverisë aktuale.
Rexhepi, i cili ka qenë i kërkuar nga opozita gjatë gjithë ditës është shfaqur në një video në llogarinë e tij personale në Facebook, duke thënë se është shëndoshë e mirë, duke shpjeguar se lëvizja e tij kishte për qëllim promovimin e interesave të vendit dhe perspektivës së tij euroatlantike. Ai lënë pas kërcënimet “Pranoj disa kërcënime, por pasi të përfundojë do të dal para mediave. Të angazhohemi të gjithë për të mirën e shtetit, popullit dhe demokracisë, të gjithë shqiptarëve, të maqedonasve dhe të gjithë të tjerëve që jetojnë në Maqedoninë e Veriut. Shihemi se shpejti. Faleminderit”, ka përfunduar ai në postimin e tij.
Ndërkohë, dy deputetë të opozitës, të cilët ishin në karantinë për shkak të Covid-19, erdhën në mbledhje me uniforma speciale, por u larguan më vonë pasdite. Në mënyrë tipike, procesi në parlamentin e Shkupit duhet të përfundojë deri në mesnatë. Nëse nuk sigurohet kuorumi i opozitës prej 61 anëtarësh, qeveria Zaev do të mbijetojë politikisht. Më pas do të duhen 90 ditë që opozita të ketë të drejtën për të bërë sërish mocion mosbesimi. /abcnews
