Barbados do të bëhet vendi i parë në botë që do të krijojë një ambasadë virtuale pas një marrëveshjeje me platformën metaverse Decentraland. Ministria e Punëve të Jashtme dhe Tregtisë nënshkroi zyrtarisht një marrëveshje për të krijuar ambasadën në Decentraland, një mjedis dixhital i bazuar në Ethereum.
Ndërtimi i kësaj selie virtuale është miratuar nga ekzekutivi i vendit në gusht dhe nisja e saj pritet të bëhet zyrtarisht në janar të 2022. Barbados po planifikon gjithashtu të hapë ambasada virtuale me ofrues të tjerë metaverse, duke përfshirë Somnium Space dhe Superworld, raportoi CoinDesk këtë javë.
Metaverse është një term që përdoret për të përshkruar një hapësirë virtuale brenda mjediseve dixhitale si lojërat online, mediat sociale dhe realiteti virtual. Është një kombinim i parashtesës “meta”, që do të thotë përtej, dhe rrjedhës “univers”.
