Camila Cabello mund të mos jetë më “Senorita” e Shawn Mendes por ajo mbetet shoqja e tij. Lajmi që dhanë dy ditë më parë se kanë vendosur t’i japin fund romancës së tyre dy vjeçare mërziti fansat e tyre. Thuhet se ka qenë Mendes që ka kërkuar ndarjen dhe këngëtarja, megjithëse nuk e ka pritur mirë, ka rënë dakord.
“Ishte vërtet e vështirë për disa ditë, por ajo ka kaluar shumë kohë me miqtë dhe është e zënë”, tha burimi. Entertainment Tonight citoi gjithashtu burime që folën për ndarjen e tyre: “Ata e kuptuan se janë në vende krejtësisht të ndryshme në jetën e tyre dhe ishte koha për t’i dhënë fund gjërave.”
Por nuk ka qenë një ndarje e keqe apo traumatike sipas burimit, pasi dyshja e këngëtarëve vazhdojnë të komunikojnë me njëri-tjetrin dhe duan të jenë miq. Në deklaratën e tyre që dhanë pasi konfirmuan ndarjen, ata thanë: “Ne e filluam lidhjen tonë si miqtë më të mirë dhe do të vazhdojmë të jemi miqtë më të mirë”.
