18.12.2021 - 13:40
Anëtarja e komisionit të rithemelimit të PD-së, Albana Vokshi ka dhënë shifrat e mbledhura nga terreni, për pjesëmarrjen në rerendumin për shkarkimin e Lulzim Bashës.
Vokshi tha se deri tani kanë votuar rreth 11 mijë e 600 anëtarë të PD-sën në të gjithë vendin, ndërsa kanë kaluar pak më shumë se katër orë që nga nisja e referendumit.
Kujtojmë se anëtarë të PD-së në total janë rreth 75 mijë.
“Kanë votuar 11 mijë e 600 demokratë, në qendrat e votimit ka fluks, ky numër tani që po flasim duhet të jetë edhe më i lartë nga sa raportuam. Jemi në qendra të ndryshme të votimit, komisioni për ogranizimin jemi të gjithë në terren, marrim shifrat dhe i raportojmë”, u shpreh Vokshi.
