Ambasadori i Kosovës në Tiranë, Skënder Dyrmishi, thotë se ata nuk bëhen pjesë e projektit “Ballkani i Hapur” sepse nuk ka garanci që ai ndjek dhe zbaton frymën e Bashkimit Europian. Sipas Dyrmishit, s’ka as një dokument që rregullon kompetencat, përgjegjësitë dhe mënyrën e udhëheqjes.
“Janë bërë të qarta arsyet pse është kundër. Këtu para se gjithash do të veçojë disa nga këto elemente. Mbi të gjitha këtu është që Kosova nuk do që asnjë asociacion të jetë alternativë e Bashkimit Evropian.
Me atë se çfarë dihet deri tash, nuk ka garanca se ky asociacion do të ndjek dhe zbatojë frymën e BE-së. S’ka një dokument, ku rregullohen në mënyrë strukturore kompetencat, përgjegjësitë dhe mënyra e udhëheqjes. Kjo është arsyeja kryesore”, ka thënë Dyrimishi për ABC Neës.
Ai ka përmendur si çështje tjera edhe gjithpërfshirjen dhe barazinë. Sipas tij, Kosova mund të përfshihet në iniciativa rajonale vetëm si e barabartë me simbolet shtetërore.
