Kancelari gjerman i sapovendosur Olaf Scholz u drejtua për në samitin e tij të parë në Bruksel duke mbajtur bagazhet ruse të dy paraardhësve të tij.
Scholz përballet me sfidat e trefishta të një gazsjellësi të diskutueshëm, grumbullimin e trupave ruse në kufirin me Ukrainën dhe një dënim për vrasje të dhënë këtë javë në Berlin.
Ukraina dhe Polonia protestojnë se projekti Nord Stream do t’i privojë nga të ardhurat e rëndësishme të tarifave të tranzitit përmes tubacioneve ekzistuese që kalojnë nëpër territorin e tyre – dhe do t’i lërë të ndjeshëm ndaj lojërave energjetike.
Ky tubacion Nord Stream 2 shkaktoi tensione dhe sanksione transatlantike në epokën e Trump, por në verë, Angela Merkel bëri një kompromis me presidentin amerikan Joe Biden për të lejuar funksionimin e tubacionit. Furnizimi me gaz është thelbësor për të mbushur një boshllëk energjetik të mbetur pasi Gjermania mbyll termocentralet e saj të fundit bërthamore vitin e ardhshëm.
Pas disa vonesave, Nord Stream 2 është në pritje të një leje operimi nga agjencia e rrjetit federal të Gjermanisë.
Ky vendim pritet në fillim të janarit, më pas shkon në Komisionin Evropian.
Tani, situata e kufirit Ukrainë-Rusi ka nxitur përpjekjet diplomatike të nivelit të lartë nga Uashingtoni, duke sugjeruar që Berlini të kthejë situatën ndaj Moskës dhe të kërcënojë të refuzojë licencën për operimin e tubacionit.
Kjo do t’u përshtatej partnerëve të koalicionit të Gjelbër të Scholz-it, kritikëve të hapur për një kohë të gjatë të Rusisë së Vladimir Putinit dhe të tubacionit.
Testi vendimtar
Analistët e politikës së jashtme me bazë në Berlin e shohin Scholz-in në qendër të një testi vendimtar të një politike të jashtme koherente dhe të besueshme të BE-së.
“Nuk është aspak e besueshme ndaj Moskës kur, nga njëra anë, njëri kërcënon me sanksione dhe nga ana tjetër do të ndiqte projekte të tilla”, tha Sarah Pagung nga Këshilli Gjerman për Marrëdhëniet me Jashtë.
Të mërkurën Scholz i tha Rusisë se çdo agresion kundër Ukrainës do të kishte një “çmim të lartë” – por se Gjermania ishte e hapur për “dialog konstruktiv” me Moskën.
Kjo do të gjejë favorin e votuesve të partisë së tij dhe është një shenjë e strategjive të ndjekura nga kancelarët e mëparshëm të SPD-së për dialog dhe tregti me përfitim reciprok me Moskën.
Por të Gjelbrit e shohin bisedën për dialogun si një injoronim te vitete të tëra të hakimit të kompjuterëve nga Rusia, vrasjen e kundërshtarëve të Putinit dhe aneksimin e Krimesë nga Rusia.
Ministrja e Jashtme gjermane Annalena Baerbock dëboi të mërkurën dy diplomatë rusë pas një dënimi për vrasje për njeriun që qëndron pas një “vrasjeje me kontratë shtetërore” nga Rusia në një park të Berlinit.
Vrasja e një ish-rebeli çeçen në vitin 2019, tha ajo, “paraqet një shkelje serioze të ligjit dhe sovranitetit gjerman”.
Baerbock ka premtuar një politikë të jashtme më të fortë “të bazuar në vlera” dhe të enjten ajo zëvendësoi një nga sekretarët e lartë të shtetit të ministrisë së saj, i konsideruar si aleat i SPD-së.
Me rritjen e presionit nga aleatët e BE-së dhe NATO-s, marrëdhënia e pazgjidhur e Gjermanisë me Rusinë është testi i parë i koalicionit të ri të Berlinit.
Përkthyer dhe përshtatur nga The Times/ konica.al
VAZHDO TË LEXOSH MË TEPËR PËR TEMËN
A do të mbijetojë koalicioni i Merkelit?
A do të konfirmohet edhe në këto zgjedhje?
