“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: Pse është e rëndësishme vitamina B9?
Mjeku: Ajo quhet ndryshe : acid folik,ose acid folinik. Vitamina B9 eshtë e tretshme në ujë.
Funksionet: Është thelbësore për të ndërtuar ADN dhe ARN.
Mungesa e saj gjatë shtatzënisë, mund të ndikojë në sistemin nervor të fetusit. Mjekët rekomandojnë suplemente të acidit folik para dhe gjatë shtatzënisë.
Burime të mira: Këto përfshijnë perime me gjethe, bizele, bishtajore, mëlçi, disa produkte gruri të fortifikuar dhe fara luledielli. Gjithashtu, disa fruta kanë sasi të moderuar.
Treguesi më i mirë i mungesës së acidit të acidit folik është anemia megaloblastike, një gjendje në të cilën trupi ynë prodhon më pak qeliza të kuqe të gjakut.
Mungesa e acidit folik pamundëson sintezën e duhur të ADN-së, duke rezultuar në një numër më të vogël të qelizave të kuqe të gjakut përgjegjës për furnizimin e indeve me oksigjen.
Sipas rekomandimit të Institutit Kombëtar të Shëndetit të SHBA-së, një të rrituri mesatar i nevojiten 400 mikrogram acid folik çdo ditë, kështu që shumica e njerëzve nuk kanë nevojë për shtojca ushqimore.
Ndër burimet më të mira natyrore të acidit folik janë spinaqi, brokoli, avokado, portokalli, fasulja dhe kikirikët.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
