21.12.2021 - 16:27
Telashe të tjera për Milanin. Sikur të mos mjaftonte humbja në shtëpi ndaj Napolit, në ndeshjen e radhës në transfertë në Empoli, do të mungojë edhe Zlatan Ibrahimovic. Këtë e konfirmoi vetë trajneri Pioli:
“Leão duhet të kthehet më 6 janar kundër Romës. Mbingarkesa në gjurin e majtë bën që Ibrahimovic të mos jetë në Empoli” – u shpreh Pioli, i cili nuk ka as shërbimet e Rebic dhe Pellegrit, por është rikthyer Giroud.
Milan do të luajë nesër ndaj Empolit, që është edhe ndeshja e fundit për këtë vit. Kuqezinjtë ndodhen në vendin e tretë, me pikë të barabarta me Napolin e vendit të dytë dhe 4 pikë larg kreut, që mbahet nga Inter.
VAZHDO TË LEXOSH MË TEPËR PËR TEMËN
Ndeshja kundër Napolit