Shpallet lista e ngushtë në 10 kategori, për ceremoninë e ardhshme të edicionit të 94-ët të ndarjes së çmimeve “Oscars”, nga Akademia e Filmit.
Sipas Variety, pjesë e listës së ngushtë në kategorinë “Filmi më i mirë në gjuhë të huaj” është edhe filmi shqiptar “Zgjoi (Hive)” i regjisores Blerta Basholli, si propozim i Kosovës për në nominimet e “Oscars 2022” – filmi shpalos rrëfimin e Fahrije Hotit dhe grave nga Krusha e Madhe. Drama e jashtëzakonshme është e bazuar në ngjarje të vërteta të grave që kanë mbetur të veja për shkak të luftës, të cilat luftojnë kundër patriarkatit.
Katër nga filmat në listën e ngushtë janë filma, regjisoret e të cilëve janë gra (“Playground”, “I’m Your Man”, “Zgjoi (Hive)” dhe “Prayers for the Stolen”). Përveç kësaj, janë tri vende që hyjnë në listën e ngushtë për herë të parë, Butani, Kosova dhe Panamaja.
Votimi në listën e ngushtë përfundoi më 15 dhjetor dhe të tjerët do të kalojnë në fazën e parë të votimit zyrtar. Votimi i nominimeve fillon të enjten, më 27 janar dhe përfundon të martën, më 1 shkurt, gjersa më 8 shkurt do të bëhet e ditur lista finale e nominimeve.
Kjo është lista e ngushtë e filmave që garojnë për t’u nominuar për çmimin “Filmi më i mirë në gjuhë të huaj”:
“Great Freedom” (Austria) – Sebastian Meise
“Playground” (Belgjika) – Laura Wandel
“Lunana: A Yak in the Classroom” (Butani) – Pawo Choyning Dorji
“Flee” (Danimarka) – Jonas Poher Rasmussen
“Compartment No. 6” (Finlanda) – Juho Kuosmanen
“I’m Your Man” (Gjermania) – Maria Schrader
“Lamb” (Islanda) – Valdimar Jóhannsson
“A Hero” (Irani) – Asghar Farhadi
“The Hand of God” (Italia) – Paolo Sorrentino
“Drive My Car” (Japonia) – Ryusuke Hamaguchi
“Hive” (Kosova) – Blerta Basholli
“Prayers for the Stolen” (Meksika) – Tatiana Huezo
“The Worst Person in the World” (Norvegjia) – Joachim Trier
“Plaza Catedral” (Panamaja) – Abner Benaim
“The Good Boss” (Spanja) – Fernando León de Aranoa.
Në raundin paraprak të votimit u ftuan anëtarë të Akademisë nga të gjitha degët. Megjithatë, ata duhet të kenë plotësuar një kërkesë minimale për të votuar në kategori. E njëjta gjë do të zbatohet për raundin e nominimeve, me pjesëmarrësit që zgjedhen dhe duhet të shohin të 15 filmat e listës së ngushtë dhe të votojnë për ata që do të nominohen përfundimisht për çmimin.
VAZHDO TË LEXOSH MË TEPËR PËR TEMËN
“Zgjoi”, suksesi i trefishtë kosovar në Amerikë!
“Tirana International Film Festival” nis me filmin “Zgjoi”
‘Zgjoi’ shfaqet në festivalin e filmit në Romë
