27.01.2022 - 14:39
Ka shkuar keq tentativa për grabitjen e një argjendarie mesditën e sotme në Shkodër, pasi dy autorët janë përballur me rezistencën e pronarit.
Ngjarja ka ndodhur në afërsi të zonës së Sahatit në Shkodër, kur dy autorët tentuan të futen në argjendari.
Sipas News24, autorët, emrat e të cilëve nuk bëhen ende të ditur janë përleshur me pronarin.
Më pas ka mbërritur edhe policia, e cila bëri të mundur arrestimin e dy personave.
Zona është ndër më të populluarat në këtë qytet, por kjo nuk i ka penguar grabitësit të bëjnë tentativën e tyre të dështuar për të grabitur argjendarinë.
