Gjatë një “mini-interviste” me pyetje dhe përgjigje në llogarinë e saj të “Instagram”, Lori Hoxha, producentja e emisionit më të përfolur të momentit “Big Brother VIP Albania”, ka ndarë me të gjithë disa sekrete të vogla.
Fillimisht ajo është pyetur nga ndjekësit se si ajo e ka nisur vitin e ri 2022 dhe se si dita e parë e këtij vito për të ka qenë.
Ajo është përgjigjur duke thënë se është në gjendje jo të mirë shëndetësore. Megjithatë, ndjesia që ajo ka, është mirënjohja.
“Sick but grateful”,- shkruan ajo, teksa ka postuar një fragment nga dita e saj, duke parë emisionin e vitit të ri të “Big Brother VIP”. Në emisionin e mbrëmshëm u theksua nëpërmjet një klipi të dedikuat, se si ky show është kthyer në fenomenin e këtij viti, duke thyer rekorde klikimesh e duke u bërë kryefjala e bisedave të të gjithë shqiptarëve.
Ndërkohë, biseda e Lori Hoxhës me ndjekësit e saj në “Instagram” ka vijuar, ku këta të fundit e pyesin ndër të tjera dhe për qëllimet e saj për këtë vit që sapo ka nisur.
Ajo ka habitur me përgjigjen e saj lidhur me objektivat që ajo ka, duke na numëruar tre prej tyre:
“Të kem prioritet shëndetin
Të qëndroj më pak në telefon
Të ndërtoj shtëpinë time në fshat”
