Pas konsultimeve me presidentin, kreu i grupit parlamentar të PS-së Taulant Balla ka zbuluar se Ilir Meta ka caktuar 6 marsin si datën për mbajtjen e zgjedhjeve të pjesshme lokale në bashkitë pa kryetar.
“Jemi ftuar nga presidenti sot për një takim konsultativ lidhur me vakancat prej shumë kohësh në shumë bashki të vendit. I thashë presidentit se ky institucion duhet ta kishte ushtruar këtë detyrim ligjor që në njoftimin më të parë për krijimin e vakancave duke filluar nga më e para e krijuar në gusht të vitit 2018 në bashkinë e Shkodrës. Respekti ndaj kushtetutës është detyrim nga të gjitha institucionet.
Zgjedhjet duhet të ishin zhvilluar brenda afatit 45-ditor. Dhe për ne nuk ka asnjë datë. Data është e përcaktuar nga ligjit dhe kushtetuta. Nga presidenti jemi informuar edhe me institucionet përgjegjëse për zhvillim. Presidenti mendon që zgjedhjet duhet të zhvillohen në datën 6 Mars.
Ajo që dua t’iu them është që shkeljet kushtetuese të konstatua në këto dy vite duhet të mos kishin ndodhur, zgjedhjet të mos ishin zhvilluar. Në këtë moment të gjithë biem dakord që ne kemi qenë në anën e duhur të historisë dhe në marrëdhënies me Kushtetutën, ndërsa Presidenti ka qenë kundër”, tha Balla.
