Tumoret e trurit nuk janë të gjithë njësoj – madje edhe midis kategorive të tyre. Dy studime të publikuara së fundmi në Neë England Journal of Medicine (NEJM) tregojnë se analizimi i disa shënuesve të ADN-së së tumoreve të trurit mund t’i ndihmojë mjekët t’i klasifikojnë ato më saktë.
Kanceret e trurit, si kanceret e tjera malinje, kategorizohen sipas llojeve të qelizave që i prodhojnë ato. Tumoret e trurit të quajtur glioma lindin nga qelizat gliale. Gliomat mund të jenë të rrezikshme: glioblastoma është tumori më i frikshëm i trurit, me një tendencë drejt rritjes, përhapjes dhe përsëritjes së shpejtë.
Çfarë është një glioma?
Glioma është një lloj i zakonshëm i tumorit me origjinë nga truri. Rreth 33 për qind e të gjithë tumoreve të trurit janë glioma, të cilat e kanë origjinën në qelizat gliale që rrethojnë dhe mbështesin neuronet në tru, duke përfshirë astrocitet, oligodendrocitet dhe qelizat ependimale.
Gliomat quhen tumore intra-aksiale të trurit, sepse ato rriten brenda substancës së trurit dhe shpesh përzihen me indet normale të trurit.
Cilat janë simptomat e gliomës?
Gliomat shkaktojnë simptoma duke shtypur trurin ose palcën kurrizore. Më të zakonshmet, duke përfshirë simptomat e glioblastomës janë:
Dhimbje koke
Konvulsionet
Ndryshimet e personalitetit
Dobësi në krahë, fytyrë ose këmbë
Mpirje
Probleme me të folurit
Nauze dhe të vjella
Humbja e shikimit
Marramendje
Simptomat e glioblastomës shfaqen ngadalë dhe mund të jenë delikate në fillim. Disa glioma nuk shkaktojnë asnjë simptomë dhe mund të diagnostikohen kur shkoni te mjeku për diçka tjetër.
Studiuesit u fokusuan në glioma të shkallës së ulët, të cilat nuk janë as beninje dhe as më agresive.
Hulumtimi i ri tregon se megjithëse këto glioma formohen nga të njëjtat lloje të qelizave të trurit, ADN-ja e tyre nuk është gjithmonë e njëjtë dhe se tumoret mund të klasifikohen më tej mbi një bazë gjenetike.
Chetan Bettegoëda, mjek i Qendrës Gjithëpërfshirëse të Tumorit të Trurit Johns Hopkins, është i specializuar në trajtimin e pacientëve me glioma dhe kancere të tjera të trurit. Ai është i njohur me studimet e NEJM dhe vëren se puna ofron një pasqyrë të dinamikës gjenetike se si formohen gliomat.
“Këto studime historike tregojnë se gliomat e shkallës më të ulët janë heterogjene dhe mund të grupohen në kategori përtej atyre të përcaktuara tradicionalisht nga patologët. Të kuptuarit e këtyre tumoreve përfshin më shumë sesa identifikimin e karakteristikave të qelizave – ne duhet të identifikojmë edhe gjenetikën e tyre”, thotë Bettegoëda.
Lajmi i mirë: “Gjithnjë e më shumë kompani dhe organizata po ofrojnë teste për të analizuar tumoret individuale dhe këto rezultate mund t’u nevojiten mjekëve,” thotë ai.
Bettegoëda pranon se glioma mund të jetë një diagnozë e frikshme. “Pyetja e parë e pacientit është gjithmonë: ‘Cila është prognoza?’ Ne duhet të shikojmë mijëra pacientë për të parë një prirje, por për çdo individ, është e pamundur të thuhet.
“Është e rëndësishme të kuptojmë se ky hulumtim i ri avancon të kuptuarit tonë për peizazhet e këtyre tumoreve dhe ofron të dhëna për mënyra të ndryshme në të cilat ato mund të evoluojnë, por nuk ofron një pasqyrë të plotë të gjendjes”.
