Ashtu siç pritej, presidenti i UEFA-s, Aleksader Ceferin, ka zhvilluar takimet e planifikuara në Tiranë. Ai mbërriti rreth mesditës në Shqipëri dhe pas një dreke me kreun e FSHF-së, Armand Duka, ka zhvilluar takimet zyrtare.
Rreth orës 3:00, Ceferin mbërriti në Kryeministri për takimin me kreun e qeverisë, Edi Rama. Ra në sy fakti se për ta dërguar në këtë takim, FSHF nuk përdori automjetet e institucionit, por veturën personale të presidentit të FSHF-së.
Numri 1 i futbollit europian diskutoi tema të ndryshme, ku ajo me shumë rëndësi është zhvillimi i finales së Konferencë Ligë në muajin maj në “Air Albania”. Nuk mund të anashkalohej problematika e zgjedhjeve në futbollin shqiptar dhe në Federatë, ku Armand Duka kërkon një mandat të 6-të.
Ceferin diskutoi për rreth 1 orë me Kryeministrin Edi Rama. Më pas kreu i UEFA-s shkoi në stadiumin “Air Albania”, ku inspektoi disa ndryshime që janë bërë që nga vizita e tij në vitin 2019 kur u inaugurua ky impiant në ndeshjen me Francën, mes të cilave edhe vendosja e një tapeti me bar hibrid.
VAZHDO TË LEXOSH MË TEPËR PËR TEMËN
