01.02.2022 - 11:21
Edhe qarku i Korçës është përfshirë ka reshjet e dëborës gjatë natës.
Reshjet vijojnë ende ndërsa temperaturat kanë shkuar në -2 gradë gjatë natës.
Trashësia e dëborës ka shkuar 2-7cm, ndërsa qarkullimi vijon normalisht pa probleme në akset nacionale dhe turistike, Korçe-Erseke –Leskovik, Korçe -Voskopoje.
Policia njofton drejtuesit e mjeteve të bëjnë kujdes dhe rekomandohet përdorimi i gomave dimërore.
Në rrugën e Dardhës kalimi për mjetet e vogla duhet të bëhet me zinxhirë, ndërsa borëpastrueset kan zbritur në terren për mirëmbajtjen pastrimin dhe kriposjen e rrugëve.
