Zgjedhjet e pjesshme vendore të 6 marsit do të monitorohen nga ndërkombëtarët. Do të jetë një delegacion nga Kongresi i Autoriteteve Lokale dhe Rajonale të Këshillit të Evropës që do të zhvillojë procesin e monitorimit.
Ky delegacion do të përfaqësohet nga Gunn-Marit Helgesen si Raportuese dhe përfaqësuese e Kongresit në Këshillin e Komisionit të Venecias për Zgjedhjet Demokratike.
Sipas News24, ky mision do të zhvillohet online më 24 dhe 25 shkurt përpara zgjedhjeve vendore në 6 bashkitë.
Delegacioni do të zhvillojë takime online me përfaqësues të komunitetit ndërkombëtar në Tiranë, me Kryetarin e Komisionit Qendror të Zgjedhjeve, Ilirjan Celibashi dhe me delegacionin shqiptar në Kongres dhe shoqatat e pushtetit vendor.
Gjithashtu janë planifikuar diskutime online dhe me OJQ vendase, media dhe me përfaqësues të subjekteve politike që garojnë në zgjedhjet e 6 marsit.