Për avokatin Spartak Ngjela beteja e vërtetë e presdientit Ilir Meta me drejtësinë do të fillojë pas mbarimit të mandatit më 24 korrik. Duke komentuar vendimin e Gjykatës Kushtetuese për mosshkarkimin e Metës në “Report Tv”, ai tha se shkelja e rëndë do të ketë pasojë.
“Shkelja e rëndë do të pasojë. Kur ndërroi datën e zgjedhjeve lokale kërkonte destabilizim, por palët nuk e pëfillën. Gjykata Kushtetuese nuk gjykohet. Me nuk e kishim përcaktuar juridikisht se çfarë është shkelja e rëndë, do t’i takonte Gjykatës Kushtetuese të bënte interpretimin dhe të mbetej si ligj. Shkeljen e kishte, por nuk ishte e rëndë sipas Gjyaktës. Beteja e tij nuk ka filluar. Më 24 korrik i fillon procedura për korrupsion, sapo të mbarojë mandatin. Atëherë mund t’i filloi një proces, është në listën e të korruptuarve.”, u shpreh ai.
I ftuar në “Studio Live” me gazetarët Migena Sotiri dhe Arbër Hitaj ishte edhe analisti Frrok Çupi i cili e cilësoi vendimin e Gjykatës Kushtetuese si një kthim pas në dejtësinë e “Plepave”. Sipas tij ky vendim ka “goditur” rëndë shtetit dhe se parlamenti duhet të ishte shpërndarë pas mosshkarkimit të Metës.
“Ishte një vendim që nuk kishte as produkt juridik dhe as produkt shtetit. Ishte produkt moral dhe politik që nuk pritej. E them sepse ka disa arsye. E para sepse Gjykata kushtetuese nuk mundi të thojë për asnjërën nga palët se dikush kishte gabuar, për herë të parë një gjykatë gjykon 2 palë që kanë të dyja të drejtë. Është precedentë i panjohur në jurispudencë që nga kodet e Hamurabit. Kanë fituar të dyja palët, si mund të ketë produkt juridik Vendimi ka shkaktuar dëme që do të vazhdojmë t’i ndjejmë. Vendimi goditi drejtësinë. Ky vendimi na ka kthyer mbrapa te gjykatat e plepave. Ka goditur shumë rëndë shtetin, sepse shteti qëndron nën ombrellën e Gjykatës Kushtetuese. Kolonat e shteti tani janë të pasigurta. Nëse nuk do të shkarkohej siç nuk u shkarkua, krijon precedent. Sot duhet të ishte shpërndarë parlamenti ose të shkarkohej presidenti. Gjykata kushtetuese ka ndërtuar një ligj me këtë vendim. Do të kemi një president që shkel kushtetutën, që fyen, që e ndan popullin, një president që ia mohon të drejtën e votës një publiku.”, tha Çupi.
Analisti Ben Andoni i pyetur lidhur me qëndrimin e tij për vendimin e Gjykatës Kushtetuese tha se ishte jo mirë i arsyetuar dhe se ky organ ka nevojë të maturohet dhe të shkëputet nga vargonjtë e interesave. Analisti shtoi se defacto ai është defaktorizuar.
“Nuk e prisja që të ishte kaq shpejt vendimi, mendoja që do të ishte pak më i mirëarsyetuar. Vendimet e organeve të tilla nuk mund të gjykohet dhe përfliten. Personalisht kishin momentin më të mirë për të treguar një lloj diference, jo për ta shkarkuar, por për ta arsyetuar. Shkeljen e kanë vlerësuar, por nuk e kanë quajtur të rëndë. Arsyetimi juridik, jo i mirë. Ky organ ka nevojë të matarohet dhe të shkëputet nga vargonjtë e interesave. shkarkim i metës do t’i vështirësonte atit riintegrimin e atij në politik. Nuk besoj se ka dalë i fituar, de jure po, por defacto është defaktorizuar.”, tha Andoni.
