Kur Presidenti Biden filloi fjalimet e tij të enjten, me zbulimin e pushtimit rus të Ukrainës, ai bëri një deklaratë të fortë dhe të nevojshme se “çdo pëllëmbë” e territorit të NATO-s do të mbrohet.
Kjo përfshinte thirrjen e presidentit për angazhimin e Shteteve të Bashkuara ndaj nenit 5 të traktatit të aleancës: Çdo vend i NATO-s është i detyruar të dalë në mbrojtje të çdo anëtari që sulmohet. Ky parim është shtylla kurrizore e vendosmërisë perëndimore.
Sado inkurajues mund të kishte qenë fjalimi i presidentit, ai përfundoi dhe sesioni me pyetje-përgjigje ishte, mirë, jo frymëzues. Deri më tani, veprimet e Shteteve të Bashkuara dhe aleatëve të saj nuk kanë dërguar llojin e mesazhit të fortë që kërkohet për të tërhequr vëmendjen e një lideri, paqëndrueshmëria në rritje e të cilit është një rrezik për botën.
Menjëherë pas komenteve të Bidenit, 7,000 trupa të tjera amerikane morën lajmin për dërgimin e tyre në Evropë, pas lëvizjeve të tjera të fundit për të mbështetur aleatët e NATO-s shumë pranë Rusisë. Çfarë nënkuptojnë këto dislokime të papritura është e vështirë për familjet joushtarake që ta kuptojnë plotësisht.
Ajo që përballen këta të rinj dhe të reja, veçanërisht kur fluturojnë në tre shtetet baltike dhe Poloni, është e panjohur, por është potencialisht “kinetike”. Fjalimi i padiskutueshëm i presidentit rus Vladimir Putin që i parapriu urdhrit të tij për të goditur Ukrainën ngjalli shqetësime për gjendjen e tij mendore. Kërkesat e tij, përfshinin aludime të pakuptimta se ai nuk do të hezitonte të përdorte armë bërthamore nëse pengohej nga NATO.
Britanikët po jepnin alarm të premten. Sekretari britanik i Mbrojtjes Ben Wallace tha për BBC Radio: “Unë kam thënë vazhdimisht për një kohë të gjatë, ashtu si Britania, dhe kryeministri e ka mbështetur këtë qëndrim, se Putini nuk është racional”. Wallace shtoi se Putin “nuk do të ndalet” me Ukrainën.
Britanikët po paralajmërojnë në mënyrë eksplicite qytetarët e tyre se çfarë është në rrezik teksa Putin përgatit ushtarët dhe civilët në Ukrainë.
Putin mund të ketë dalë në përfundimin se mungesa e sanksioneve gjithëpërfshirëse për sulmin e tij ndaj Ukrainës mund të nënkuptojë se Shtetet e Bashkuara dhe aleatët e saj nuk janë të gatshëm të paguajnë atë lloj çmimi.
Çfarë duhet të bëjë presidenti? Të bllokojë Rusinë nga SWIFT që bashkon financat ndërkombëtare.Të ndalojë udhëtimet për në Rudi dhe nga Rusia, duke përfshirë edhe me anije lundrimi. Tu bëjë thirrje vendeve të NATO-s që të dëbojnë çdo mik të pasur të Putinit.
Kundërmasat e deritanishme të Perëndimit mund ta kenë goditur Putinin si thjesht gjysmëmasa. Ai mund ta interpretojë fare mirë dërgimin e disa mijëra trupave, disa avionëve dhe disa tankeve në Evropën Lindore si dëshmi të mosgatishmërisë për t’i dalë kundër tij.
Zyrtarët qeveritarë të cilët thone se “gjithçka është në tryezë” kur bëhet fjalë për të luftuar kundër Putinit, po dërgojnë një mesazh kaq të klishe në ditët e sotme sa mund të mos ketë asgjë në tryezë.
Kryesisht Putin sheh një Perëndim që shmang të bëjë gjëra të vështira. Ai duhet vetëm të llogarisë dhe të llogarisë.
Biden duhet të kthehet në mikrofon. Dhe fjalimi i tij ka nevojë për shpjegim.
Putini dukej se kërcënoi se armët bërthamore ishin në lojë. Nëse Perëndimi mbyll sytë kjo do të ndodhë përsëri dhe përsëri.
Tani nuk është koha që Biden të kujtojë demokratët e rinisë së tij, si McNamara dhe shefin e tij, Lyndon Baines Johnson. Është koha për të marrë një mësim nga Ronald Reagan nëse Rusia kalon vijën e NATO-s: “Këtu është strategjia ime për Luftën e Ftohtë: Ne fitojmë, ata humbasin”.
Burimi: The Washington Post
Përktheu dhe përshtati: Konica.al
VAZHDO TË LEXOSH MË TEPËR PËR TEMËN
