“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: A mund të shkaktojë COVID-i dëmtim të trurit?
Mjeku:Tri vjet pas pandemisë globale të COVID-19, shkencëtarët ende po mësojnë më shumë se si virusi ndikon në trup. Tani, ka një zbulim të ri: COVID-19 është i lidhur me dëmtimin e trurit.
Ky është rezultati kryesor nga një studim i ri i botuar në revistën Nature. Për studimin, studiuesit analizuan të dhënat nga 401 pacientë të moshës 51 deri në 81 vjeç, të cilët iu nënshtruan skanimeve të trurit përpara se të infektoheshin me COVID-19 dhe muaj pasi ishin infektuar. Skanimet e tyre, të cilat u kryen rreth tre vjet larg njëri-tjetrit, u krahasuan me ato të 384 personave që nuk ishin të infektuar me COVID-19, por kishin karakteristika të ngjashme si mosha, gjinia, historia mjekësore dhe statusi socio-ekonomik me ata që ishin infektuar me virus.
Shumica e pjesëmarrësve të studimit nuk u shtruan kurrë në spital me COVID-19 (vetëm 15 prej tyre ishin), dhe studiuesit vunë në dukje se tendenca në ndryshimet e trurit shihej ende kur pacientët e shtruar në spital u përjashtuan nga gjetjet.
Pse COVID-19 mund të shkaktojë dëmtim të trurit?
Nuk është plotësisht e qartë, por studiuesit thanë në një FAQ që ndanë në internet se duket se lidhet me humbjen e nuhatjes. Dihet se zonat e trurit që nuk përdoren mund të atrofizohen, kështu që do të jetë e rëndësishme të kuptojmë se sa nga kjo mund të lidhet me humbjen e nuhatjes.
“Një shpjegim tjetër mund të jetë efekti i vetë virusit, ose sepse ai pushton trurin, ose sepse shkakton inflamacion ose reaksione imune. Megjithatë, është ende e paqartë pse reaksione inflamatore/imune duhet të shihen kryesisht në rajone specifike të trurit, por jo në të tjera.
A mund të shkaktojë COVID-i çrregullime të tjera neurologjike?
Kjo është ende duke u studiuar Megjithatë, theksojmë se COVID-19 është lidhur me disa kushte të tjera shëndetësore neurologjike, duke përfshirë:
Humbje e re e shijes dhe erës
Goditjet
Neuropatia periferike (dobësi, mpirje dhe dhimbje nga dëmtimi nervor)
Sindroma Guillain-Barre (një çrregullim autoimun ku sistemi imunitar i një personi dëmton nervat, duke çuar në dobësi të muskujve dhe ndonjëherë paralizë)
Encefaliti (inflamacion i trurit që mund të shkaktohet nga një virus ose bakter)
Lodhja dhe ndjesitë e trupit mund të ndodhin edhe si pasojë e COVID-19.
Sa kohë ndikon COVID-19 në tru?
Kjo është gjithashtu e paqartë. Studiuesit vunë në dukje se ata nuk e kanë idenë se sa do të zgjasin këto ndryshime të trurit. Nëse ky ndikim i dëmshëm mund të rikthehet pjesërisht, ose nëse këto efekte do të vazhdojnë në afat të gjatë, mbetet për t’u hetuar me ndjekje shtesë.
Por është e mundur që njerëzit të mund të rifitojnë të paktën një pjesë të shëndetit të trurit të tyre me kalimin e kohës. Pasi dëmtohet, truri mund të shërohet, por rikuperimi jo i plotë. Dëmtimi i trurit është i përhershëm. Zona që është dëmtuar nuk mund të përmirësohet.
Nëse keni ende simptoma të pazakonta pas COVID-19, rekomandohet të shihni mjekun tuaj për një vlerësim.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
VAZHDO TË LEXOSH MË TEPËR PËR TEMËN
COVID-19 mund të sulmojë trurin dhe sistemin nervor
COVID-19/ 1 në 3 raste shfaq probleme me sistemin nervor
Neurologët zbulojnë detaje tronditëse: Ja si koronavirusi dëmton trurin!
