Berat- Elidon Vrapi., 40 vjeç, banues në Drenovicë, është arrestuar nga policia për shkak se ishte shpallur në kërkim për përdhunim.
Ky shtetas ishte shpallur në kërkim ndërkombëtar, pasi Gjykata e Apelit Ankonës, Itali, e ka dënuar me 5 vjet e 4 muaj burg për veprën penale “Përdhunimi”, parashikuar nga Kodi Penal i Italisë.
Njoftimi i policisë:
Finalizohet operacioni policor i koduar “Ankona”, i zhvilluar nga Seksioni i Forcës së Posaçme Operacionale, në bashkëpunim me Seksionin për Hetimin e Krimeve dhe Interpol Tirana.
Kapet dhe vihet në pranga, me qëllim ekstradimi, 1 shtetas i shpallur në kërkim ndërkombëtar për veprën penale “Përdhunimi”.
Shërbimet e Seksionit të Forcës së Posaçme Operacionale, në bashkëpunim me Seksionin për Hetimin e Krimeve në DVP Berat dhe Interpol Tirana, në vijim të punës për kapjen e personave të shpallur në kërkim ndërkombëtar, bënë kapjen dhe arrestimin provizor, me qëllim ekstradimi drejt Italisë, të shtetasit
Elidon Vrapi., 40 vjeç, banues në Drenovicë, Dimal.
Ky shtetas ishte shpallur në kërkim ndërkombëtar, pasi Gjykata e Apelit Ankonës, Itali, e ka dënuar me 5 vjet e 4 muaj burg për veprën penale “Përdhunimi”, parashikuar nga Kodi Penal i Italisë.
Interpol Tirana, në bashkëpunim me autoritetet ligjzbatuese italiane, vijon procedurat për ekstradimin e këtij shtetasi drejt Italisë.
