Besojeni apo jo, për të dytën herë radhazi Italia mbetet jashtë Botërorit. Nëse katër vjet më parë nuk fitonte ndaj Suedisë, sonte humbi në shtëpi me Maqedoninë e Veriut 0-1 dhe axurrët nuk do të jenë në Katar 2022.
Kalon në finale në play-off Portugalia, që mposhti 3-1 Turqinë dhe Cristiano Ronaldo me shokë do të sfidojë Maqedoninë e Veriut për të siguruar një biletë për Kupën e Botës në fund të këtij viti.
Italianët dominuan të gjithë ndeshjen, duke tentuar disa herë portën maqedonase, por pa qenë të saktë me raste të panumërta të shpërdoruara. Në fund, kur pritej koha shtesë, diferencën e bëri gjuajtja e Trajkovskit nga jashtë zones dhe gol.
Portugalia triumfoi falë golave të Otavio-s (15′), Jota (42′) dhe Nunes (94′). Për turqit shënoi Yilmaz (65′), i cili ka humbur edhe një penallti në minutën e 83-të.
Fitore 2-1 për Uellsin kundër Austrisë. Heroi i takimit ka qenë Gareth Bale, autor i një dygolëshi të bukur. Uellsi do të përballet në finale me fituesen e Skoci-Ukrainë, ndeshje që është shtyrë për shkak të luftës.
Suedi-Çeki ndeshja tjetër e playoff-eve për Katar 2022 është mbyllur 0-0 gjatë kohës së rregullt dhe ka shkuar me shtesë.
